Saisonstart 2021

17.03.2021

Aktuell gseht dr' Saisonstart 2021 sehr unsicher us. Sicher isch aber bereits, dass z' Früehligshornusse in Stalden-Dorf u z' Jubiläumshornusse vor Lueg im Früehlig abgseit worde si. Und ou dr' Meisterschaftsstart 2021 het ufgrund vom Bundesratsbeschluss müesse hingere g'schobe wärde.

Drum düe mir üs aktuell houptsächlech ufs Training konzentriere. Entsprächend wärde mir ou üses mittlerwile zum Standard wordene Obligatorische Training vor A- und B-Mannschaft am 27. März 2021 dürefüehre - natürlech unger Ihhautig vo aune Vorschrifte u Massnahme (sig das Personeahzau vo höchstens 2 x 15 Lüt oder nur Take-Away-Verpflegig).

Sobaud klar isch, wenn d' Meisterschaft cha g'startet wärde, düe mir öich wie gwohnt hie informiere.

D' HG Unterfrittenbach-Emmenmatt wünscht aune witerhin gueti Grundheit u bis hoffentlech gli im Längenbach!