Emment HF 2017 - A

Hornsiig vor A-Mannschaft am Emmentalische Hornusserfest in Gerlafingen-Zielebach!

Dank ere subere Riisarbeit und ere nochli verhautene Schlagleistig bim Anhornusse am Vormittag gäge Wynigen-Rumendingen isch d' A-Mannschaft bim Usstich gäge d' HG Dürrenroth A ufem 7. Zwüscherang gläge. Ou dert ischnis wider eh super Riisleistig glunge, wo ou paar schnäu, schlecht troffeni Nousse hei müsse abdah wärde. D' Schlagleistig het nomau dütlech chönne gesteigeret wärde und mit 1'026 Punkt am Namittag hets mitde 474 Punkt vom Vormittag es Total vo 1'500 Punkt gä - mit dene 0 Nummero eh geniali Leistig, womer ou gwüsst hei, dases hüt für öbbis wird länge. D' Überraschig isch de ufem Festgländ cho, womer ufder Rangliste gseh hei, dases am hüttige Tag ir 2. Stärkeklass zum 4. Schlussrang glängt het undmer somit no z' letste Trinkhorn gwunne hei!

Härzelchi Gratulation ou de Chranz- und Medaillegwinner. Aune vorah am Rohr Michu (5.), Leuenberger Chlöisu (6.), Althaus Svenu (10.) und Leuenberger Stöffu (13.), wosech au zäme eh Rangchranz erkämpft hei!

Spielliste Emmentalisches Hornusserfest 2017