Hornmatch 6er-Verband

Mitem hütige Hornmatch hei d' A- und B-Mannschaft z' letschte Spiiu vor Saison daheime im Längebach bestritte. Bi schönstem Herbstwätter und blauem Himmu isch d' Sicht teils relativ erschwärt gsi, voauem di höche Nousse si ersch spät gseh worde. Es isch beidne Mannschafte nid wunschgmäss glüffe, so het d' A-Mannschaft 2 Nousse im Riis la gheiie, wobi eine dervo hät müesse abdah wärde. Bir B-Mannschaft si am Ändi vom Spiiu de ou 7 Nousse z' Bode. Ide Punkt het d' B-Mannschaft dütlech besser kämpft, mit 652 Punkt heisi nomau eh super Schlagleistig zeigt. D' A-Mannschaft het hüt mit 15 Maa d' 900er-Marke nümme knackt und het das Spiu mit 864 Punkt beändet.

Am Beschte vo Aune isches hüt am Leuenberger Chlöisu glüffe, wo mite Striche 21, 19, 14, 21 = 75 Punkt dä Hornmatch für sich entschide het. Gratuliere ganz härzlech zu däm Siig.

Ou dr Salihovic Meho het hüt eh starchi Leistig abgrüeft und isch mit 03, 10, 13, 11 = 37 Punkt dr bescht Nachwuchshornusser worde.

Da hüt dr 6-Jährig-Turnus z' Änd isch gange, hetsech d' A-Mannschaft doch no übere 2. Schlussrang nach 6 Jahr dörfe fröiie.


Spielliste Hornmatch A

Spielliste Hornmatch B