Interk HF 2017 - A

Am Interkantonale Hornusserfest in Gerlafingen-Zielebach het d' A-Mannschaft ir 1. Stärkeklass mit paare vode sterchste Mannschafte vom Eidg Hornusserverband dörfe spile - so zum Bispiu es Höchstetten A, Recherswil-Kriegstetten A oder Lyss A. Trotz dene Grössene heimer üs nüt la ahmerke und hei üses Spiiu dürezoge. Am Vormittag nachem Ahornusse simer mit üsne 484 Punkt zwar die mingste gsi, hei aber dank ere subere Riisarbeit paar Plätz chönne guet mache und si ufem 11. Platz gläge. Am Namittag heimer de im Riis nomau aues gä - mir hei natürlech geng mitübercho, we eh Mannschaft wo näbe üs gspiiut het, es Nummero becho het. Das hetsech de schlussendlech uszauht und mir si erneut bi schwirige Sichtverhäutnis mit 0 Nummero vom Platz. D' Schlagleistig isch hüt verhautener gsi aus no vorere Wuche, so hets de zu Totau 1'425 Punkt glängt. E chlini Enttüschig heimer de am Abe erläbt, womer gseh hei, dases üs mitem 7. Schlussrang grad us ersti Mannschaft nümme zumne Priis glängt het. Für dasmer aber ir höchste Stärkeklass gspiut hei, isch das eh geniali Leischtig gsi vor A-Mannschaft!

Gratulation aune Chranz- und Medaillegwinner, aune vorah am Leuenberger Chlöisu, wos mit 108 Punkt zumne Rangchranz glängt het!

Spielliste Interkantonales Hornusserfest 2017