Jägerhornussen

Traditionell het wie jedes Jahr z' Jägerhornusse stattgfunge, wo us jedere Umgäbig d' Jäger zämechöme und eh Mannschaft steuue und de gäge üsi Mannschaft ahträte. Das Jahr isches sicher es hert umkämpfts Spiiu gsi, so hei beid Mannschafte das Spiu ohni Nummero chönne beände. Am Bock jedoch isches de üsere Mannschaft besser glüffe und het mit 1'010 Punkt zu 901 Punkt chönne gwinne. Dennoch hets ungerde Jäger sicher sehr gueti Resultat gä.

Nachem Spiiu heimer de ouno z' Zwirbele düregfüehrt, wo zahlrichi Bsuecher mitgmacht hei. Ah dere Steuu es grosser Merci ufder einte Site de Jäger, wo erneut zahlrich si erschine zum mit üs das Spiiu dürezfüehre - da ou am Burkhard Christian, wo das Jägerhornusse erneut guet organisiert het.. Ufder angere Site natürlech de vile Bsuecher, wo nachem Spiiu no blibe si und üse Verein mitem Zwirbele ungerstützt hei. Äbefaus am Leuenberger Thesi, Leuenberger Silvia und ar Burkhard Susanne, wo zäme d' Wirtschaft gfüehrt hei.

Spielliste Jäger / Spielliste HG Unterfrittenbach-Emmenmatt