MS Bowil - A

Chancenlos in Bowil! D' A-Mannschaft het bim hüttige Spiiu in Bowil eh dütlechi Niderlag kassiert. Bi teils starchem Gägewind hei mir am Bock ke Lösig gfunge und hei grademau 791 Punkt gschlage. Im Riis isches ounid besser glüffe. Bereits churz nach Beginn het eh ungsehnige Nouss im 15er im Riis ufe Bode gfunge. Im gliche Umgang isch de ouno eh Nouss im 10ni ache, womer sicher hätte müesse abdue. Die 2 Nummero im Chopf heinis am Bock sicher ounid ghoufe, z' 3. Riis mit 172 Punkt und z' 4. Riis mit 197 Punkt si sicher sit langem die schlechtiste womer gschlage hei. Im 2. Umgang ischnis de schliesslech no dr' 3. Nouss ache. Somit heimer mit 3 Nummero 791 Punkkt gäge Bowil mit 1 Nummero 915 Punkt klar verlore und si mit 0 Punkt wider heigange. Das Spiu müessimer schnäu vergässe und üs ufs nächste Meisterschaftsspiiu daheime gäge Hintermoos-Reiden vorbereite, womer nächst Samstig im Längebach bestritte.

Erfreulech isch hüt wider d' Schlagleistig vom Leuenberger Chlöisu gsi, wo mit 69 Punk erneut die 30 Rangpunkt ghout het!

Spielliste Bowil