MS Gohl - B

Bi blauem Himmu u warme Temperature hei mir uswärts üses letzte Meisterschaftsspiiu mit Gohl ustreit. Trotz em Ligaerhaut het d' B-Mannschaft aues wöue gä, Punkt hole u e gueti Schlagleistig u Riesarbeit zeige, doch äs isch angers use cho . Im erste Umgang  hei mir äs Vieri müesse la ungerstriche u Gohl het grad Drü Nummero übercho, mit der Schlagleistig si mir z'friede mit Ries vo 163 u 170. Im Dritte u Vierte Ries hei mir no zwöi Nummero müesse la ungerstriche u bim Schla hei mir no äs 155 u 174 Ries gha, das het es Totau gä vo 3 Nummero 662 Punkt u Gohl 3 Nummero 785 Punkt - so si mir ohni Punkt hei gangä. Trotz dem het d' B-Mannschaft mit dä 5 Nachwuchshornusser Meho, Fabian, Lukas, Dominik u Tobias ä gueti Meisterschaft zeigt, mir beände d' Meisterschaft ufem 6. Rang mit 13 Rangpunkt, 17 Nummero u 5'711 Gschlagni Punkt. Sven Althaus isch bide Einzelschleger no ufem Podest Gratulierä Svenu! Danke Manne u Giele für eure Ihsatz ir Meisterschaft. Es grosser Merci giutet ou ar Nyffeler Chrige, wo aus Schiedsrichterin bi jedem Spiu vor B-Mannschaft drbi gsi isch. Z' gliche giut am Leuenberger Thesi, wo fasch bi jedem Spiu und Training d' Wirtschaft gfüehrt het. Ou ä herzleche Dank geit a d' Eutere vo de Nachwuchshornusser.

Spielliste Gohl