MS Häusernmoos - A

Bi schwirige Sichtverhäutnis, vorauem wäge Sunne und es gmisch zwüsche Wulche und blauem Himmel, heimer ou hüt nid chönne suber bliibe. Scho afangs vom Spiiu si es paar Nousse sehr spät gseh worde aber zum Glück no abdah worde. Im 14er isch du de leider doch no eine abeh, wo no knapp im Riis isch gsi. Aber ou üsem Gägner isches nid besser glüffe. Äbefaus viiu si im letste Moment no grad gseh und abdah worde. Aber ou bi ihne isch eh Nouss im 17er abe, wosi ersch churz vorem Bode gseh hei. Somit isches hüt umd Schlagleistig gange. Üse Gägner het bi stetigem Gägeluft 2 super Riis usegschlage und isch im erste Umgang mit bereits 88 Punkt Vorsprung dervozoge. Zwar heisi de im 2. Umgang liecht nahglah, da mir üs aber nur liecht hei chönne steigere heimer das Spiiu schliesslech mit 1'077 zu 940 Punkt klar verlore. Schad ischnis dä 14er ache, die 4 Punkt hättimer sicher guet chönne bruche.

Nächst Sunntig am Morge am 9i geits bi üs im Längebach witer mitem Meisterschaftsspiiu gäge d' HG Schmidigen.

Spielliste Häusernmoos