MS Hintermoos-R. - A

Am 07:15 isch d' A-Mannschaft bereits a z' Zwöitletschte Meisterschaftsspiu vo dere Saison usgrückt, Spiubeginn 0900 in Hintermoos-Reiden. Mir hei gwüsst, dasmer mit mindestens 2 Punkt sicher hei chönne dr Ligaerhaut sichere. Aber das isch sicher nid z' Ziiu gsi hüt, gäge ä Äbewürdige Gägner heimer glich 4 Punkt wöue hole! Im Riis heimer bi eher schwirige Sichtverhäutnis aues gä und si nachde erste beide Riis suber blibe. Hintermoos het mit einzelne Fäuhstriche 240 u 241 gschlage, sicher machbar für üs. Üsi Reaktion uf das isch leider bescheide blibe, ja im 2. Riis sehr, sehr schlächt. 243 u 214 Punkt, definitiv z'wenig. Hintermoos-Reiden het im zwöite Umgang de nomau chönne ufboue und 251 u 257 Punkt gschlage. Gfröit heimernis de bereits vorem Spiuändi, mit 0 Nummero heimer dr' Ligaerhaut nachemne verpatzte Meisterschaftsstart bereits 1 Rundi vor Schluss gschafft. Am Bock wär z' Ziiu klar gsi dütlech ufz'bouue, was leider nume bedingt erreicht isch worde. 232 u 248, erneut viu Fäuhstriche het de schlussändlech zu 937 Punkt glängt. Nächst Samstig gäge Rohrbach weimer ganz klar nomau aues gä und d' Form für z' Eidgenössische finge!

 
HG Unterfrittenbach-Emmenmatt A - 0 Nummero 937 Punkt
HG Hintermoos-Reiden A - 0 Nummero 989 Punkt