MS Mützlenberg-N. - A

Riisleistig Top, Schlagleistig Flop. Nachem super Resultat vom letste Wucheend het d' A-Mannschaft im Meisterschaftsspiiu gäge d' HG Mützlenberg-Nesselgraben A nicht chönne drah ahchnüpfe. Mitere dezimierte Mannschaft heimer das wichtige 3.letste Meisterschaftsspiiu vor Saison ih Agriff gno. Im Riis heimer erneut eh starchi Leistig zeigt, hei enang motiviert und jede Nouss ohni witeri Problem chönne abdue. Gägenes starchs Mützlenberg-Nesselgraben am Bock heimer früeh ihgseh, dasmernis hüt wahrschindlech mit 2 Punkt müesse begnüege. Mit 4 Riis rund ume 200er Berich und total 826 Punkt simer chancelos blibe, het üse Gägner doch 1'020 Punkt gschlage. Somit het das Spiiu im letste Umgang über d' Riisarbeit müesse entschide wärde. Und da heimernis lang ke Hoffnig me gmacht, doch no 4 Punkt z' hole. Ou üse Gägner het eh gueti Riisleistig zeigt und bis churz vor Schluss sämtlechi Nousse abgwehrt. Äbe nume bis churz vor Schluss: Eh Unachtsamkeit bim 3. letste Strich het d' Mützenberg-Nesselgraben dr Siig kostet. Obwou dr Nouss früeh isch gseh worde und grad 3 Manne ufe Nouss zue si, isch das 10ni unabdah im Riis z'Bode - und het schliesslech dr Siig (oh we mit viu Glück) für üs bedütet! Mit Blick ufd Rangliste si das sicher 2 wichtegi, zuesätzlechi Punkt füre Ligaerhaut gsi.

Spielliste Mützlenberg-Nesselgraben A