MS Mützlenberg-N. A

Bereits am Morge am 9i het für d' A-Mannschaft z' hütige Derbyspiiu / Gmeindeduell gäge d' HG Mützlenberg-Nesselgraben A ahgfange. Vo dene sunnige Ussichte hei mir z' ganze Spiiu nüt gmerkt, es isch dürewäg bewöukt gsi und meistens isch Gägewind gsi. Wägem Luft si de hüt ou Spitzeresultat usblibe. Aber sicher motiviert heimer das Spiu i ahgriff gno - und zwöi mittumässegi Riis gschlage. Wäge es paar Fäuhstriche und Eistellige Striche hets fang zu 244 und 234 Punkt glängt. Üse Gägner hetsech de im erste Umgang eh liechte Vorteil erkömpft und isch mit 21 Punkt i füehrig gange. Heisst: Nomau aues gä am Bock! Die meiste hei nomau 2 gueti Streiche chönne gä, aber bi paarne heisech erneut churzi Striche ihgschliche. Die erhoffti steigerig isch nid cho. Mite Riis 248 und 246 hets de schlussändlech zu 972 Punkt glängt. Wemer iz no wei gwinne müesse d' Mützlenberger zwöi sehr schlächti Riis schlah. Z' Gägeteu isch dr Fau gsi: Si heisech nomau um paar Punkt chönne steigere und hei schliesslech 1'014 Punkt gschlage. Wär für üs sicher ou dinnegläge, aber de hättemer hüt ufgrund vode Windbedingige eh Top-Leistig müesse abrüefe. Im Riis isches beidne Mannschafte guet glüffe, nur wenigi schlächt troffeni Nousse hei müesse abdah wärde. Nächst Samstig steit de für d' A-Mannschaft grad z' nächste Gmeindsderby ah: uswärts gäge d' HG Zollbrück!

HG Unterfrittenbach-Emmenmatt A - 0 Nummero 972 Punkt

HG Mützlenberg-Nesselgraben A - 0 Nummero 1'014 Punkt