MS Rohrbach - A

Zwar ke Räge, aber derfür umso meh Gägewind het hüt d' A-Mannschaft uswärts bir HG Rohrbach erwartert. Hüt isches für d' A-Mannschaft drum gange, ändlech eh suberi Riisarbeit z' zeige, zum wichtegi Punkt heinä. Z' Ziel isch sicher eh Siig gsi und 4 Punkt z' gwinne. Im Riis ischnis das sicher glunge, eh motivierti Mannschaft isch kompakt im Riis gstange und het fasch jede Nouss zeigt und enang ghoufe bim Abdue. Somit heimer sicher fang 2 Punkt sicher gsi. Im Schlah isch nachem erste Umgang no aues offe gsi. Mir si mit 422 zu 416 Punkt knapp i Füehrig gange. Doch erneut heimer nid ar Leistig vom erste Umgang chönne ahchnüpfe und de nurno 192 und 173 Riis gschlage. Ufder angere Site hei d' Rohrbacher ufdräit und hei mit 232 und 239 eh starchi Reaktion zeigt. Trotz dezimierter A-Mannschaft wär hüt sicher meh drinne gläge. Dennoch heimer 2 Punkt chönne heinä, aber z' Ziiu, der erst vou Punktgwinn heiznä, heimer sicher nid erreicht.

Gratulation de 2 höchste Einzuschleger am Althaus Sven (68 Punkt) und Leuenberger Chlöisu (65 Punkt), wo 30 und 29 Rangpunkt gwunne hei.

Spielliste Rohrbach