MS Schaffhausen i.E. B - B

Spielbeginn um 0900 bi Räge, Wind und chüehle Temperature. Für s' B het z' hütige Meisterschaftsspiiu daheime gäge d' HG Schaffhausen i.E. B sicher nid mit idealem Hornusserwätter ahgfange. Drum hets hüt sicher vo jedem nomau meh Ihsatz und Wille brucht, zum das hütige Spiiu i ahgriff z' nä. D' Sichtverhäutnis im Riis si hüt guet gsi, mi het d' Nousse guet gfunge. Leider si de glich 2 im Riis z' Bode. Da d' Hornusser us Schaffhuse ou 3 acheglah hei, heimer das Spiiu sicher mau im Riis gwunne. Am Bock isches im erste Durchgang nonid so guet glüffe und mir si mit knappe 12 Punkt i Rückstand gange. Dank 2 guete Riis im 2. Umgang heimer das Spiiu no chönne chere und hei mit 586 Punkt zu 577 Punkt gwunne! Auso eh witere Punktgwinn vor B-Mannschaft, wo hüt 2 Rangpunkt gwunne het.

Erneut eh super Leistig het dr Althaus Sven zeigt, wosech mit 66 Punkt die 26 Rangpunkt ergatteret het!

Spielliste Schaffhausen i.E. B