MS Schafhausen - B

D' B-Mannschaft isch bi blauem Himmu u Sunneschin zum letschte Meisterschaftsspiiu uf Schafhuse i.E. gfahre u hätte eigendlech no Punkt wöue Heinä. Doch äs isch angers usecho, mir hei scho im 1. Durchgang äs Nummero müesse la schribe. U bim schlah isches ounid glüffe, mir hei z'viiu Fäutreiche gha. Im letschte Durchgang isches no schlimmer worde, mir hei no 3 Nummero müesse la schribe. Aber bim schlah hei mir üs no ä Bitz chönne steigere. Am Schluss hets zwar keni Punkt gä, aber d' B-Mannschaft cha trotz der Niederlag ufeni gueti Meisterschaft zrügluegä.

Unterfrittenbach-Emmenmatt B - 4 Nummero 551 Punkt

Schafhausen B - 0 Nummero 583 Punkt

Mir beände d Meisterschaft ufem 7.Platz mit 14 Rangpunkt - 19 Nummero - es paar z'viu - u 5'358 gschlagni Punkt. Danke Manne u Giele für öie Ihsatz während der Meisterschaft. Ou ä Dank a d' A-Spieler wo si cho ushäufe. Mir bedanke üs ou bi de Eutere vom Meho, Tobias, Dominik, Lukas u Fabian. Ar Chrige danke mir ou, ohni Schiedsrichter chönde mir nid Hornusse.

D'B-Mannschaft het no zwöi Wettspieu, bevor mir am Friti 17.+ Samsti 18. Ougust as Eidg. Hornusserfest fahrä. Z' erste am 5.8. uswärts im Wase i.E mit Wasen-Lugenbach D u s zwöite am 12.8.o uswärts mit Stalden-Dorf B.