MS Schmidigen - A

Bim Heimspiiu gäge d' Ufstiger Schmidigen isches hüt drum gange, 4 Punkt i ahgriff z' näh und ir Rangliste ändlech vom letste Drittu furt z'cho. Leider heimer bereits im erste Umgang im Schlah sehr viu Fäuhstriche und 0 müesse la schribe, so dasses bi eigendlech sehr guette Windverhäutnis grademau zumne 248 und 197 Riis glängt het. Im Riis heimernis das nid la ahmerke und hei wider eh motivierti Mannschaft is Riis gstellt, wosech bis änds use gäge jede Nouss gwehrt het. Nid überraschend isch de nachem erste Umgang d' HG Schmidigen mit 40 Punkt dütlech ih Vorsprung gange. Zwar heimernis im 2. Umgang mite Riis 258 und 251 no chönne steigere, da aber ou d' Schmidiger erneut eh gueti Leistig mit 271 und 242 Riis zeigt hei, simer schlussändlech us verlierendi Mannschaft da gstange. Unterfrittenbach Emmenmatt A 0 Nr 954 Punkt, HG Schmidigen 0 Nr 998 Punkt. Trotz der guete Riisarbeit si die 2 Punkt nume eh chline Trost, da mir üs im Vorus dr Siig und somit die 4 Punkt us Ziiu gsteckt hei.

Spielliste Schmidigen