MS Schmidigen - A

Was fürne Meisterschaftsstart vor A-Mannschaft!

Uswärts bir HG Schmidigen hettsech d' A-Mannschaft nachem verpatze Meisterschaftsstart vo letzt Saison sicher einiges zum Ziiu gsetzt. U wo d' Schmidiger mit 501 Punkt ahgschlage hei, heimer gwüsst dasmer hüt eh gueti Leistig bruche. Und die heimer zeigt: Bi akutem Mitwind heimer de Schmidiger im erste Durchgang 17 Punkt chönne abnäh. Im Riis heimer es paar schnäuui Nousse müsse abdue, aber bi jedem hets klepft - mit 0 Nummero im Rügge simer de wider ah Bock - Schmidigen het erneut guet gschlage und totau 1'005 Punkt erziut. Das het bi üs nid öbbe Nervosität brunge, sondern hetnis richtig la ufblüiie! 260 und 280 si d' Riis no gsi, Totau 1'058 Punkt! Dasmer das erste Spiiu grad so souverän wärde gwinne hät sicher niemer dänkt! Zudäm heimer de ounograd dr höchst Einzuschleger vom Tag gsteut, Leuenberger Stöffu het mit 20, 22, 19, 21 = 82 Punkt es Top Resultat erziut!