MS Wynigen-R. - A

Dank ere starche Steigerig im 2. Umgang hets nachder B-Mannschaft am morge für z' A am Namittag äbefaus eh 4-Punkte-Sieg gä! Bi sehr guete Windverhäutnis heimer am Bock im erste Umgang no viu z' Verhaute ghornusset. Die wenigste hei ihri Punkt gschlage, u mit 3 Null im 2. Riis hets de ou numegrad zu 211 Punkt glängt. Im Riis hets hüt vo z' Vorderst bis z' Hingerst jede Maa brucht, nümme wie gäge Höchstetten wo aues hingeriih isch cho. Mir hei eh starche Uftritt im Riis zeigt, ändsuse si no paar schlächt troffeni Nousse cho aber ou die si guet abdah worde. Und nachem erste Umgang simer de trotz üsne vile Fäuhstriche glich no um 14 Punkt i füehrig gsi. Söu nüt heisse, im 2. Umgang heissts die Fäuhstriche wider wett z' mache. Und das isch bi viune glunge, immerno mit einige eistellige Striche hets de no 263 und 257 Punkt gä. Wyinigen-Rumendingen hetsech ounochli chönne steigere, trotzdem heimer üse Vorsprung no um einiges chönne usbouue. 4 witeri Pünkt für d' A-Mannschaft, langsam aber sicher chömimer usde Abstigsplätz use, mir luege aber füre und wei no 1 - 2 Plätz ir Tabelle guet mache!

HG Unterfrittenbach-Emmenmatt A - 0 Nummero 971 Punkt

HG Wynigen-Rumendingen - 0 Nummero 897 Punkt