MS Zuchwil B - A

Schwiregi Sicht- und Windverhäutnis hei z' hüttige Heimspiu vor A-Mannschaft gäge Zuchwil B durchgehend prägt. Dr Wind het im Verlouf vom Spiiu d' Nousse us sämtleche Richtige gstüüret und so d' Riisarbeit extrem schwirig gmacht. Zytwiis Sunneschin, bewöukt oder blaue Himmu hei das ganze nograd mau erschwärt. Nachde 2 Siige ide beide letste Meisterschaftsspiiu heimer ou hüt gäge Zuchwil B eh gueti Leistig wöuue abrüeffe, zum erneut 4 wichtegi Punkt hole. Und da heinis die schwirige Riisverhäutnis grad id Arme gspiut: Bereits im erste Umgang het üse Gägner 2 Striche müesse la ungerstriiche und hetnis d' Müglechkeit fürne Siig gä. Am Bock heimer durchgehend eh guetti Leistig chönne abrüefe, mit konstante 4 Riis und eme Gsamttotal vo 995 Punkt heimer ufgrund vode Windverhäutnis sicher guet ghornusset. Doch ou mir hei gmerkt, dases hüt im Riis sehr schwirig wird und s' jede brucht. Doch ou bi üs isches nid lang gange, isch eh Nouss am linke Zilli nah glüffe, viu z' spät gseh worde und unabdah im 16er z' Bode. 1 Strich und 2 Punkt heisech grad verabschidet. Doch mir hei d' Chöpf nid la hange und hei für die 2 Punkt witerkämpft! Das mit Erfoug! D' Zuchwiler hei im 2. Umgang de nograd mau 3 Nummero verwütscht - und mir dank ere sehr guete Zämearbeit im Riis kes meh derzue becho. Somit heimer das Spiiu trotz Nummero für üs chönne entscheide und doch no 2 wichtegi Punkt ghout!

Gratulation am Leuenberger Chlöisu und Althaus Svenu, wo mit 71 und 70 Punkt die 2 Höchste vo hüt si gsi!

Spielliste Zuchwil B