NW Hornusserfeste

D' Nachwuchshornusser hei a dem Wucheend die beide Hornusserfest in Gerlafingen-Zielebach bestritte. Derbii hetsech z' Wätter leider nid vo sire beste Site zeigt. Trotzdem hei üser Giele aues gä, am Bock und im Riis. Bim Abdue heisech leider ah beidne Fest es paar Nummero ihgschliche - am Emmentalischen Hornusserfest hets füre 10. Schlussrang, am Interkantonalen Hornusserfest füre 18. Schlussrang.

Bide Einzuschleger isch klar dr' Hertig Tobias usegstoche, wo am Emmitalische ir 2. Stärkeklass mit 12,11,14,14 = 51 Punkt ufem sehr guete 4. Rang glandet isch! Am Interkantonale hetsim de ouno grad mau für d' Medaille glängt, dasmau ufem 13. Rang. Gratulation ou am Hertig Dominik (2x Karte), Salihovic Meho (Kranz) und Hämmerli Fabian (Karte), wo ebefaus eh Priis gwunne hei! Super gmacht Giele!

Emmentalisches NW-Hornusserfest 2017 - Gerlafingen Zielebach