Schachenhornussen - A

Am Sunntigmorge früech, 0830 geits für'd A-Mannschaft mitem Bus ab uf Baden-Brugg as Schachenhornussen, Ahspiu isch am 1100. Mitere vou bsetzte Mannschaft heimer eigendlech einiges vorgha, si doch einigi Mannschafte mit numegrad 12 Maah dert gsi. Z Gägeteil hetsech de bereits im erste Umgang am Bock zeigt: 206 u 201 si d' Riis gsi, mi mues nid erwähne wiviu Fäuhstriche mir gha hei. Im Riis het dr Gägner grossi Müeih gha zum Abdue, grad 6 Nousse heisi ide erschte beide Riis acheglah. Leider isches bi üs ounid lang gange, het eh Nouss im 7ni vore z' Bode gfunge, wo eigentlech hät abdah wärde müesse.
Im 2. Umgang heisech es paar chönne steigere, aber im Grosse u Ganze heimer wider eh schlächti Leischtig am Bock zeigt, Total 839 Punkt. Ou im Riis simer immerno viu z unkonzentriert, das muess bis am Meisterschaftsbeginn am 14.04.2017 z' Schmidigen eh Huufe besser wärde! Derfür isch nachem Spiiu so wie jedes Jahr bide Baden-Brugger eh super Sach gsi, es grosses Danke geit sicher ad HG Baden-Brugg!

Spielliste Schachenhornussen