Tourismushornussen Lenk

Ändlech isches sowit gsi: Z' Tourismushornusse ir Länk isch vorder Türe gstange, nachem Eidgenössische Hornusserfest sicher z' Highlight vo dere Saison! Mitere Delegation vo 14 Mah / Froue simer de bereits am Fritignamittag iz' Bärner Oberland ufbroche. Dobe heimer de us ersts dr' Bock gsetzt und - verdienterwiis - es Bierli gno. Zäme heimer de no eh guete Abe gha bimne guette Z'Nacht und ei - zwöi Bierli im Usgang. Schliesslech simer de am Samstigmorge ufdi 10ni zum Bockstang, hei aues vorbereitet und pünktlech am 12i bi auerischönstem Herbstwätter ahgschlage. Die erste zwöi Riis sinis eigendlech ganz guet gange, 250 u 256 Punkt. Im zwöite Umgang simer wider zimlech iihbroche. Numeno 232 u 223 Punkt hets gä. Immerhin simer am Bock wider starch gsi - dank däm die räschtleche Mannschafte fasch auue acheglah hei, hets de sogar zum 3. Schlussrang glängt! Sicher für auu eh schöne Moment gsi, bim Umzug dürds Dorf Länk ah Dritter Steuu z' loufe.

Am Abe heimer de nomau eh glungnigi Chiubi bis früeh am Morge im Festzäut gha. Ganz im Sinn vo: Morn am Morge am haubi 9i geits id' Schüpbach ah Hornmatch az' letste Hornusse vo dere Saison.

HG Unterfrittenbach-Emmenmatt: 0 Nummero 961 Punkte