Wettspiel Lueg - A

Das Wucheend het d' A-Mannschaft es vouus Programm gha. Am Samstig heimer gäge d' HG Lueg es Wettspiu im Längebach düregfüehrt, für die Meischte isches eh völlig nöiie Gägner gsi. Am Bock isches sicher nonid wie gwünscht glüffe, viu Fäuhstriche heimer müesse la verzeichne. S wesentlech schlimmere isch de im Riis gsi: Scho dr erscht Striich isch grad ache, trotz das 2 Manne dert gstange wäre. D Lueger hei z Riis im erste Umgang no chönne suber bhaute. Im 2. Umgang heisi Löcher gha: Grad 5 Nousse sine unabdah im Riis z' Bode. Klare Siig für üs, mit dere Ihstellig simer när no iz Riis. Aber ufsmau isch garnümme so klar gsi. Zwe Nousse si nomau ache, wider wäre Lüt dert gstange, wider sisi trotzdem ache. Am Schluss simer froh gsi, isch das Spiu fertig gsi, hättemer doch villech no me acheglah. Nachem Spiu heimer de bi schönstem Früehligswätter zäme no eis - zwöi Bier gno.

Spielliste Wettspiel Lueg i.E.