Wintertraining vorbei

Für d' Nachwuchshornusser geit z' Wintertraining z' Ändi. Am Mittwuchabe, 13. März heimernis es letsts mau ir Turnhauue Louperswil troffe und z' Training nomau im Rahme vo Teamspiiu brucht. Es isch erstuunlech und würklech erfröilech weme gseht, wiesech di Giele u Meitli über dä Winter entwicklet und merklech verbesseret hei! Mir fröenis izze extrem uf d' Hornussersaison 2019 u hoffe, das üser Nachwuchshornusser ihri Ziiu, wosech jede het müesse setze, ou erföuue chöi! I wünsche aune eh erfougriichi Saison, läng Strich u natürlech wenig Nummero!