D' B-Mannschaft cha hüt trotz 30 Grad ä chüehle Chopf bewahre u gwinnt z' Wettspiu daheime gäge Thalgraben. Die höchste B-Spieler wärde Chrigu Zürcher (55), Chrigu Burkhard (53), Jan Stettler (51) u Hans Leuenberger (51).
D' A-Mannschaft gwinnt z' Wettspiel gäge Oberdiessbach A daheime nach Punkt u Nummero. Die höchste 3 A-Spieler wärde Chrigu Oppliger (79), Althaus Svenu (74) u Dänu Marti (74).
Am Sunntig, 20. Juli 2025 dörft dir öies Können unger Bewiis steuue u öich ufem Hornusserplatz ir Renze, Langnau im Hornusse versueche. Jedi u jedä si Willkomme, egau i welem Auter. Mir fröiie üs!
Leider ke versöhnleche Saisonabschluss für d' A-Mannschaft. Es ärgerlechs Nummero beschliesst die hüttegi Niederlag uswärts gäge Ersigen A. Am Bock schlaht üse Gägner es super Resultat u gwinnt - ou wäge z' viu Fäuhstreiche vo üs - mit 2:0 Rangpunkt. Die höchste 3 Frittematter wärde Svenu Althaus (80), Chrigu Oppliger (78) u Ädu Leuenberger (72).
D' B-Mannschaft gwinnt z letschte Meisterschaftsspiu uswärts gäge Trimstein B bi blauem Himmu u Mitluft mit 3:5 Nummero. Die höchste 3 Frittematter wärde Chrigu Burkhard (65), Tinu Leuenberger (64) u Domi Hertig (63).
0 Nummero, 1'004 Punkt u 4 Rangpunkt: D' A-Mannschaft gwinnt ou z' letschte Heimspiu im Längenbach miteme starche Resultat u sicheretsech bereits dr vorzytig Ligaerhalt. Am Sunntig geits drum, no dr' Gruppesieg z' hole uswärts in Ersigen.Die höchste 3 A-Spieler wärde Chrigu Oppliger (82), Märcu Muralt (79) u Svenu Althaus (79).
D' C-Mannschaft beändet d' Meisterschaft 2025 miteme Uswärtssieg gäge Zuchwil-Wiedlisbach B. Bi 30 Grad u blauem Himmu si nid aui Nousse gseh worde, glängt hets trotzdem füre Sieg! Die höchste 3 C-Spieler wärde Michu Rohr (74), Simu Hertig (62) u Roger Leuenberger (46).
… u äs witers Top-Resultat mit 4 Rangpunkt vor A-Mannschaft! Bi super Bedingige, Mitluft u Sunneschiin schlömer knapp ade 1'100 Punkt verbi! Die höchste 3 A-Spieler wärde Svenu Althaus (83), Chrigu Oppliger (82) u Dänu Marti (79). Michu Rohr vor C-Mannschaft schlaht 82 Punkt. Nächsts Wucheend wirds spannend mit zwöine Spiu am Samstig u Sunntig.
Imene spannende, würdige Spitzespiu chasech d' A-Mannschaft hüt gäge Lueg i. E. düresetze u gwinnt miteme Top-Resultat vo 1'051 Schlagpunkt! Nach 7 Punkt Rückstang nachem 1. Umgang chöimer das Spiu cheere u gwinne 4 Rangpunkt u übernähme d' Tabellefüehrig. Die höchste 3 A-Spieler wärde Chrigu Oppliger (81), Ädu Leuenberger (76) u Lücu Fankhauser...
Knappi Entscheidig bim Heimspiu vor B-Mannschaft bi heisse, schwüehle Temperature. Wägeme Nummero sowie am chürzere Ries gömer hüt leider läär us u verliere gäge Schafhausen i. E. B. Einzuschleger heis hüt grad 5 ufz Foto vode 3 höchste Resultat gschafft: Päscu Schwarz (60), Chrigu Burkhard (53), Jan Stettler (53), Lehmann Ernst (50) u Björn...