D' C-Mannschaft beändet d' Meisterschaft 2025 miteme Uswärtssieg gäge Zuchwil-Wiedlisbach B. Bi 30 Grad u blauem Himmu si nid aui Nousse gseh worde, glängt hets trotzdem füre Sieg! Die höchste 3 C-Spieler wärde Michu Rohr (74), Simu Hertig (62) u Roger Leuenberger (46).
… u äs witers Top-Resultat mit 4 Rangpunkt vor A-Mannschaft! Bi super Bedingige, Mitluft u Sunneschiin schlömer knapp ade 1'100 Punkt verbi! Die höchste 3 A-Spieler wärde Svenu Althaus (83), Chrigu Oppliger (82) u Dänu Marti (79). Michu Rohr vor C-Mannschaft schlaht 82 Punkt. Nächsts Wucheend wirds spannend mit zwöine Spiu am Samstig u Sunntig.
Imene spannende, würdige Spitzespiu chasech d' A-Mannschaft hüt gäge Lueg i. E. düresetze u gwinnt miteme Top-Resultat vo 1'051 Schlagpunkt! Nach 7 Punkt Rückstang nachem 1. Umgang chöimer das Spiu cheere u gwinne 4 Rangpunkt u übernähme d' Tabellefüehrig. Die höchste 3 A-Spieler wärde Chrigu Oppliger (81), Ädu Leuenberger (76) u Lücu Fankhauser...
Knappi Entscheidig bim Heimspiu vor B-Mannschaft bi heisse, schwüehle Temperature. Wägeme Nummero sowie am chürzere Ries gömer hüt leider läär us u verliere gäge Schafhausen i. E. B. Einzuschleger heis hüt grad 5 ufz Foto vode 3 höchste Resultat gschafft: Päscu Schwarz (60), Chrigu Burkhard (53), Jan Stettler (53), Lehmann Ernst (50) u Björn...
Grandiose 4-Punkte-Sieg vor C-Mannschaft daheime gäge Stalden-Dorf B! Bi heisse Temperature heimer im Ries chönne überzüge u gwinne dank 0 Nummero. Die höchste 3 C-Spieler wärde Michu Rohr (76!), Dänu Kohler (57) u Walter Lanz (41).
Daheime gwinnt d' C-Mannschaft dank dr bessere Schlagleistig ihres erschte Rangpunkt! Die höchste 3 C-Spieler wärde Michu Rohr (68), Simu Hertig (66) u Chrigu Tschabold (48).
D' B-Mannschaft het Müeh gha mitem Blaue Himmu u muess grad 4 Nummero la schribe. Leider louft ou am Bock nid optimal u so gits hüt kener Rangpunkt z' hole. Die höchste 3 B-Spieler wärde Chrigu Burkhard (51), Hans Leuenberger (45) u Päscu Schwarz (42) u Chrigu Zürcher (42).
Bi schönstem Wätter u ideale Windbedingige cha d' A-Mannschaft dank are guete Riesleistig 4 Rangpunkt mit hei nä. Am Bock isches dürzoge gsi - viu hei vode Bedingige chönne profitiere, bi paarne isches garnid glüffe. Schlussändlech zeue aber die 4 Rangpunkt! Die 3 höchste A-Spieler schlöh hüt au zäme über 80! Punkt: Märcu Muralt (84), Chrigu...
Ide Punkt blibt d' A-Mannschaft witerhin ungschlage u bhautet die 4 Rangpunkt dank 0 Nummero im Längenbach! Bi liechtem Gägeluft erzielimer es solids Resultat u löh nüt la ahbrönne. Die höchste 3 A-Spieler wärde Svenu Althaus (72), Märcu Muralt (69) u Chrigu Oppliger (67) wo 26, 25 u 24 Rangpunkt hole!
D' B-Mannschaft verliert daheime gäge Zauggenried-Kernenried B sowohl im Ries aus ou am Bock. Mit knappe 4 Punkt Rückstand luege hüt leider keni Rangpunkt use. Die höchste 3 B-Spieler wärde Chrigu Burkhard u Domi Hertig mit je 55 Punkt u Tinu Leuenberger mit 53 Punkt.