Leider verwütschts hüt ou d' A-Mannschaft im Ries und so verlierimer das Heimspiu trotz amne starche 2. Umgang am Bock. Dank däm phautimer de immerhin no 1 Rangpunkt daheime. Die höchste 3 Frittematter wärde Svenu Althaus (80), Lücu Fankhauser (75) u Ädu Leuenberger (74).
Trotz are guete Schlagleistig verliert d' B-Mannschaft z' hütige Heimspiu gäge Epsach B mit 1 Nummero zu 0 Nummero. Die höchste Frittematter wärde Stedi (50), Tinu Leuenberger (50), Hertig Simu (46) u Brünu Baumgartner (46).
Bire schwache Schlagleistig gwinnimer hüt dank are umso bessere Riesarbeit 2 Rangpunkt. Die höchste 3 Frittematter wärde Svenu Althaus (77), Michu Rohr (67) u Märcu Steck (67).
Bi super Bedingige knackt d' A-Mannschaft hüt ändlech d' 1'000er-Marke u sicheretsech 2 Rangpunkt gäge Lyssach A. Die höchste 3 Frittematter wärde Svenu Althaus (76), Märcu Steck (72) u Märcu Muralt (70).
D' A-Mannschaft blibt hüt bi schwierige Sichtverhäutnis im Ries suber u gwinnt 2 Rangpunkt. Am Bock blibt witerhin dr' Wurm drin: Viu Fäuhstreiche, wenig Träffer, ke Konstanz. So blibimer bi Gägeluft chancenlos. Die höchste 3 Frittematter wärde Svenu Althaus (75), Märcu Muralt (69) u Ädu Leuenberger (62).
Ar B-Mannschaft loufts hüt garnid. Sowou im Ries aus ou am Bock verlierimer dütlech. Die 3 höchste Frittematter wärde Domi Hertig (55), Brünu Baumgartner (52) u Kobi Wüthrich (49).
Trotz are guete Usgangslag nachem 1. Umgang verliert d' A-Mannschaft daheime gäge Epsach A. Wäge mehrere Fäuhstreiche im letschte Ries längts de ou ide Punkt nid. Die höchste 3 Frittematter wärde Svenu Althaus (80), Yännu Gurtner (72) u Lücu Fankhauser (72).
D' B-Mannschaft verliert z' nacheghoute Spiu gäge Utzigen C mit 5 Nummero gäge 1 Nummero. Ide Punkt erzielimer mit 654 Punkt ä super Leistig!Die höchste 3 Frittematter wärde Domi Hertig (61), Dänu Kohler (54) u Simu Hertig (53).
Z' hüttige Heimspiel vor B-Mannschaft wird wäge Schneefau u schlächte Sichverhäutnis uf vorussichtlech nächst Sunntigvormittag, 28. April 2024 verschobe.
D' B-Mannschaft het hüt bi summerlechem Wätter uswärts ihres erschte Meisterschaftsspiu gäge Heimiswil C gha u i Punkt u Nummero verlore. Di 3 höchste Frittemätteler si Simu Hertig (51), Kobi Wüthrich (48) u Tinu Leuenberger (47).