D' Frittematter erziele bim hüürige Gmeindehornusse in Rüederswil bi wächsuhaftem Herbstwätter dr' 2. Rang. Bide Einzuschleger brilliert Svenu Althaus über 4 Streiche am meiste: mit 76 Punkt gwinnt är überläge! Märcu Muralt (6. Rang) u Ädu Leuenberger (10. Rang) schlöh beid 67 Punkt.
Hüt loufts bim Hornmatch Emme-Ilfis besser: Mit 0 Nummero, 905 Punkt (17 Spieler) erzielimer dr' 2. Schlussrang. Nach 6 Jahr gwinnimer ufem 3. Rang d' Glogge. Die beste 3 Frittematter wärde hüt Märcu Muralt (65), Ädu Leuenberger (65) u Svenu Althaus (64) ufem 12., 13. u 14. Rang.
Trotz 4 Nummero heimer bim hüttige 6er-Verbands-Hornmatch üse 3. Rang ider Gsamtwärtig chönne verteidige u gwinne nach 6 Jahr d' Treichle. Am hüttige Spiu wird Ädu Leuenberger (76) Füft, Svenu Althaus (75) u Märcu Muralt (75) wärde Siebet u Acht. Svenu Althaus gwinnt nach 6 Jahr zudem dä Hornmatch u darf dr' Staatsrieme mit heinä! Härzlechi...
Nachder misslungene Meisterschaft het d' A-Mannschaft am Eidgenössische Hornusserfest wöuue zeige, was mir eigentlech chöi. Anhornusse isch am Samstig am 14:10 bi rund 30 Grad gäge Oberdiessbach A gsi - ä bekannte Gägner usder Meisterschaft. Z' Spiu isch düre Wütrich Yännu eröffnet worde u am Bock heimer grundsätzlech eh solidi aber nid überragendi...
D' B-Mannschaft erzielt am Eidg. Hornusserfest ir 7. Stärkeklass mit 5 Nummero / 1'407 Punkt dr' 17. Schlussrang. Kohler Dänu (128) u Simu Hertig (127) gwinne dr' Chranz, Domi Hertig (113) u Brünu Baumgartner (106) gwinne d' Zwöituszeichnig.
D' Frittematter heisech hüt bim interne Wettspiu ufz' Eidg. Hornusserfest vorbereitet. D' B-Mannschaft cha vouzählig spiele, bir A-Mannschaft fähle hüt 4 Spieler. Trotzdem gwinnt d' A-Mannschaft nach Punkt u Nummero.Die höchste Einzuschleger wärde: A: Ädu Leuenberger (74), Märcu Muralt (69) u Märcu Steck (67). B: Jan Stettler (62), Simu Hertig (62)...
Dr Rückstand nachem 1. Umgang isch z' gross gsi, so hets ar A-Mannschaft trotz amene guete 2. Umgang nid fürne Sieg gäge Oberdiessbach glängt. So isch leider ou dr Abstieg usder NLB Tatsach. Die höchste 3 Frittematter wärde Svenu Althaus (80), Lücu Fankhauser (77) u Märcu Muralt (71). Glich freuemernis no ufz' Highlight vom Jahr: Eidgenössisches...
D' B Mannschaft gwinnt z' hüttige Spiu daheime gäge Zuchwil-Wiedlisbach B miter bessere Riesleistig. Die höchste 3 Frittematter si Fäbu Hämmerli (49), Kobi Wüthrich (48) u Björn Althaus (45).
D' A-Mannschaft verliert bi ahspruchsvolle Bedingige trotz are guete Teamleischtig mit 960 zu 991 Punkt. Die höchste 3 Frittematter wärde Svenu Althaus (83), Ädu Leuenberger (73) u Märcu Steck (73).
D' B-Mannschaft verliert z' hüttige Uswärtsspiel gäge Stalden-Dorf B mit 7 zu 1 Nummero. Die höchste 3 Frittematter wärde Simu Hertig (61), Weber Yvu (54) u Tinu Leuenberger (54).