Funktionärenhornussen EMHV

14.08.2020

Am Fritigabe heimer bi üs im Längenbach d' Funktionäre vom Emmentalische Hornusserverband zumene Wettspiu dörfe begrüesse. Leider het z' Wätter nid vo Afang ah mitgmacht, so heimer de ersch am haubi 7ni chönne afah. Da üs dr' Rägeradar chli meh aus ä Stung "Rägefrei" versproche het, heimer de ou nume 3 anstatt wie dänkt 4 Striche gschlage. Zum Glück heimer nume 4 gschlage - chum simer fertig gsi, isch scho die nächsti Rägewang vo Zollbrück här richtig Längenbach zoge. Aber mir hei das Wettspiu komplett im trochene chönne dürefüehre und heis de ersch no chönne gwinne;

Da d' Funktionäre vom EMHV eh Strich im 14er ersch im letschte Moment gseh hei und nümme rächtzytig hei chönne reagiere, heimer dank üsne 0 Nummero afangs im Ries chönne gwinne. Am Bock isches knapp worde - sehr knapp sogar! Am Schluss heimer eis einzigs Punkt meh gha und hei somit ou am Bock chönne gwinne.

Höchst Einzuschleger isch Svenu Althaus worde mit 50 Punkt.

Unterfrittenbach-Emmenmatt A 0 Nr. / 469 Punkt

Funktionäre EMHV 1 Nr. / 468 Punkt