Gemeindehornussen

Bim Gmeindehornusse in Rüederswiu isch hüt dr' Turnus nach 7 Jahr z' Änd gange. Darum het z' Duell hüt gheisse: HG Rüderswil A (1. Rang) gäge HG Unterfrittenbach-Emmenmatt A (2. Rang). Im Riis heimer ä starchi Leischtig zeigt u hei das Spiu mit 0 Nummero chönne beände. Am Bock heimer vorauem im zwöite Umgang nahglah u si gäge Rüederswiu chancelos blibe. Nach 7 Jahr chöimer trotzdäm d' Glogge füre 2. Schlussrang entgäge nä.Bide Einzuschleger hets nach 7 Jahr ä extrem knappe Spitzekampf gä: Jegerlehner Fäbu isch mit 8 Punkt vor Althaus Svenu gläge. U tatsächlech hout Svenu bim letschte Spiu die 8 Punkt uf u gwinnt dank am höchere Einzuresultat (81 zu 77 Punkt)! Gratuliere Svenu!

HG Unterfrittenbach-Emmenmatt A: 0 Nummero 689 Punkt