Gruppenmeisterschaft 2022 Stalden-Dorf
19.03.2022
Ar hüürige Emmentalischen Gruppenmeisterschaft 2022 simer bi schönstem Früehligswätter mit 2 Gruppe grad am morge ahträte. Wägem teils starche Sitewind si sehr wenig Nousse im Ries cho, drum isches hüt wichtig gsi, mit 0 Nummero düre z'cho, für auuefaus no id Medaillen-Räng iche z'cho. U beid Gruppe hei das souverän glöst, die paar Nousse wo im Ries si cho hei au chönne abdah wärde.
Ou am Bock isches nid schlächt glüffe, die Erschti Gruppe schlaht trotz zwöine 0 no sehr gueti 354 Punkt, die Zwöiti Gruppe schlaht 304 Punkt.
Dank 0 Nummero längts für beid Gruppe de ou für d' Medaille: die Erschti Gruppe wird 19., die Zwöiti Gruppe schaffts ufe 27. Rang.
