Interk. Hornusserfest Gossau - A

Am Sunntigmorge geits ou für d' A-Mannschaft ändlech los: Am viertu ab 5i am morge geits uf Gossau ZH. Angers aus gester isch bi üs hüt z' schönste Summerwätter bi fasch 30 Grad. Wägem wouchelose, blaue Himmu si ou d' Sichtverhäutnis hüt nid eifach gsi. Z' Ahhornusse am Vormittag bringimer ohni Nummero u mit guete 498 Punkt düre. Zwüscherangliste: Rang 4. Für z' erhoffte Horn längts auso nonid. Am Namittag zeigimer über 3 Ries eh sehr eh gueti Leistig, bim einte Ries längts aber nume grad zu 217 Punkt. Dank are erneut starche Riesleischtig bringimer ou dr' Namittag ohni Nummero düre. Dank däm das Ersigen vor üs es Nummero het müesse la schribe, heimer tatsächlech no eh Rang guet gmacht u lande ir Schlussrangliste ufem sehr starche 3. Rang ; HORNSIEG ir 2. Stärkeklass! Wahnsinn!

Und ou bide Einzuschleger gits starchi Resultat: Althaus Sven platziertsech mit 107 Punkt ufem 19. Schlussrang u gwinnt eh Rangchranz! Witer dörfesech Aeberhard Nando u Fankhauser Luca us neuchranzer la fiire. Zwöituszeichnige gwinne Wüthrich Kevin, Wüthrich Yannick, Leuenberger Adrian, Leuenberger Stöffu, Leuenberger Hans u Burkhard Christian.