Interk. Hornusserfest Gossau - B

Der frühe Vogel fängt den Wurm - ganz nach däm Motto geits hüt für d' B-Mannschaft am morge am viertu ab 5i los i richtig Gossau ZH az' Interkantonale Hornusserfest. Leider het z' Wätter garnid mitgmacht u es het vorauem am Vormittag teils chräftig grägnet - drum si ou d' Bedingige im Ries u Bock nid eifach gsi. Üses B het z' müglechste drus gmacht u mit 5 Nummero u 782 Punkt trotzdem dr' guet 10. Schlussrang erzieut.

Bide Einzuschleger dörfesech hüt 3 la dr' Chranz ufsetze: Leuenberger Roger, Althaus Björn u Wüthrich Kobi holesech au zäme dr' Chopfchranz. D' Zwöituszeichnig gwinne Baumgartner Bruno u - mitere usgezeichnete Leischtig vo 74 Punkt (68 + 6 Zueschlag) gwinnt üse Nachwuchshornusser Hertig Tobias äbefaus d' Medaille! Super Manne!