MS Eriswil - A-Mannschaft

Bim hüttige Uswärtsspiu heimer a üsne guete Leischtige usde letschte Spiiu wöuue ahchnüpfe u witeri 4 Rangpunkt hole. Am Bock hei d' Eriswiler mit Riis 243 u 249 guet vorgleit. Mir hei de leider bereits im erschte Umgang es paar ganz churzi Streiche müesse lah schribe u si mit 23 Punkt i Rückstang gsi. Im zwöite Umgang hättsech de für üs d' Chance bote, üse Gägner no ihz'hole. Si schlöh mit 227 u 257 Punkt ä chli weniger aus im erschte Umgang u wäre so sicher nid uniholbar gsi. Wöus de bi üs nograd mau ganz churzi Streiche u 0 gä het, hetsech üse Rückstang leider no uf 40 Punkt usbout. Beid Mannschafte hei im Riis chönne suber blibe u das Spiu mit 0 Nummero chönne beände. Somit hets für üs hüt leider die zwöiti Niederlag i dere Saison gä, trotzdäm heimer de immer no die 2 Rangpunkt mitheigno.

Höchst Einzuschleger wird einisch meh Althaus Svenu, wo mite Streiche 21, 20, 21, 21 = 83 Punkt höchst uf Platz wird! 

HG Unterfrittenbach-Emmenmatt A: 0 Nr. 936 Punkt

HG Eriswil A: 0 Nr. 976 Punkt