MS Hintermoos-Reiden - A

D' Leischtigsschwankige vor A-Mannschaft gö witer - Starchi Leischtig vor A-Mannschaft nachem katastrophale Spiiu vo letst Sunntig!

Bi schönem Wätter u konstanter Biise heimer hüt im Längebach dr' Gruppefüehrend Hintermoos-Reiden A i Empfang gno. Mir hei im Vorus gwüsst, dasmer hüt eh gueti Leischtig müesse abrüefe, zum das Spiiu gwinne. Das ischnis - z'mingscht im erschte Riis - voukomme glunge: grad 295 Punkt hets gä, dr' chürzischt Striich eh 13ner! Im zwöite Riis hets de leider mitemne 2 u 0 de numeno zu 252 Punkt glängt. Ou üse Gägner het eh ahsprängendi Leischtig zeigt u de nume 10 Punkt weniger gschlage. Am Bock heimer de nomau eh gueti Leischtig chönne abrüefe u nomau 263 u 267 Punkt gschlage. Drbi isch bi üsem Gägner eh 17ner ungseh knapp 5 Zentimeter im Riis z' Bode, was für üs eh gueti Usgangslag gschaffe het. Und wisech de näre usegsteut het, isches doch no wichtig gsi, dassi dä Nouss nid hei chönne abdue: Ab Bock zeigt Hintermoos-Reide eh nahezue perfekte Umgang und schlaht de no 293 u 277 Punkt u überhoutnis no dütlech! Dank üsne 0 Nummero heimer das Spiiu aber doch no 4:1 chönne gwinne! 

Für Ufsehe het hüt sicher üse Nachwuchshornusser , dr' Meho Salihovic gsorget: Mit 18, 21, 13, 19 schlahter extrem Starchi 71 Punkt - u das mit afange 15ni! Bravo Meho! Höchst Einzuschleger wird mit 73 Punkt üse Mannschaftsfüehrer Steck Marco.

HG Unterfrittenbach-Emmenmatt A   0 Nr. / 1'077 P

HG Hintermoos-Reiden A    1 Nr. / 1'106 P