MS Höchstetten - A-Mannschaft

Ume Ufstieg isches hüt am letschte Meisterschaftsspiiu uswärts gäge Höchstetten B zwar nümme gange, trotzdäm isch für d' A-Mannschaft immerno dr' 2. Schlussrang drinnegläge, so het doch dr' Rückstang ufe Zwöitplatziert Trimstein A nume grad 2 Punkt betreit. Mit däm Ziu vor Ouge heimernis a das Spiu gmacht u si de scho bim erschte Streich teschtet worde - isch dä Nouss knapp näbem Ries ungseh z' Bode. D' Sichtverhäutnis si de bi sunnigem Wätter nid besser worde, glich si de die meiste Nousse bereits früeh zeigt worde u so heimer z' 10. Spiu vo 11 Meisterschaftsrundine mit 0 Nummero chönne beände! Am Bock heimer zum Abschluss leider ä sehr ä schlächti Leischtig zeigt - trotz guete Impulse ide letschte Spiu hets hüt wäge z' viune Fäuhstreiche de nidemau für 900 Punkt glängt. Wöu Höchstetten B ou ihri Müeih im Riis hei gha u de ä 16er hei müesse la ungerstriche gwinnimer das Spiu glich no u holenis die 4 Rangpunkt! Aber wöu ou Trimstein 2 Rangpunkt ghout het, simer mit glichviu Rangpunkt aber weniger Schlagpunkt de glich ufem 3. Schlussrang blibe u beände die starchi Saison ufem Podest!

Althaus Svenu schlaht erneut es super Resultat, cha aber nid ganz a die letschte Resultat ahchnüpfe u houtsech mit 74 Schlagpunkt am Schluss 22 Rangpunkt! Für ihn heissts am Schluss dr' sackstarch 4. Schlussrang ir Meischterschaft! Gratulation Svenu zu dere starche Saison!

HG Unterfrittenbach-Emmenmatt A: 0 Nummero 843 Punkt

HG Höchstetten B: 1 Nummero 1'016 Punkt