MS Lüsslingen-Nennikofen - A-Mannschaft

Mit grossem Säubstvertrouue usde letschte Meisterschaftsspiu heimer hüt im Längenbach d' Hornusser Lüsslingen-Nennikofen zur 5. Rundi empfange. Bi schönem Vorsummerwätter u guete Windbedingige heimer im 1. Riis leider no einigi Fäuhstriche müesse la schribe, z' zwöite Riis het mit 253 Punkt de bereits dütlech besser usgseh. Drbi het üse Gägner bereits dr' 5. Streich im 17ner nid chönne abdue - für üs hets drum gheisse aues gä im Riis! Was üs ou glunge isch: Mit viu Säubstvertrouue im Riis simer ou hüt im 5. Spiu ohni Nummero blibe u hei drmit erneut die vouue 4 Rangpunkt ghout. Bim schlah isches ide Riis 3 u 4 erneut guet glüffe, mit 254 u 245 hets es total vo 982 Punkt gä - erneut knapp ader 1'000er-Marke verbi.

Grosse Ahteil a dene Punkt het Althaus Svenu gha: Mite Streiche 22, 22, 21, 22 = 87 Punkt wird är souverän Höchst u gwinnt bereits zum 4. Mau die vouue 26 Rangpunkt!

HG Unterfrittenbach-Emmenmatt A: 0 Nr. 982 Punkt

HG Lüsslingen-Nennikofen: 2 Nr. 943 Punkt