MS Mützlenberg-Nesselgraben - B

23.06.2019

Erneut nid chönne suuber bliibe…

Bi schönem Summerwätter het hüt d' B-Mannschaft am morge am 9ni daheime gäge d' HG Mützlenberg-Nesselgraben B gspiut. Am Bock isch hüt ändlech widermau eh ahsprächendi Leischtig zeigt worde, mit 152 u 166 Punkt heimer zwöi gueti Riis gschlage. Leider isches de im Riis wider nid lang gange, und mir hei müesse eh Striich ungerstriiche. U churz vor Ändi vom erschte Umgang heimer de nograd eh zwöite Strich im 15ner acheglah. Am Bock ischnis de nomau guet glüffe u hei nomau 163 u 160 Punkt gschlage. Im Riis isch de grad aus schlächt glüffe, was hät chönne.. Trotz das d' Nousse gseh und ahgluegt worde si, si grad 3 Nousse abeglah worde, wo nie hätte dörfe achegah.. Da üse Gägner vode guete Windverhäutnis profitiert het, heisi mit 701 Punkt doch no dütlech meh Punkt gschlage aus mir. Höchst Einzuschleger wird Gurtner Yännu mit sehr starche 78 Punkt!

HG Unterfrittenbach-Emmenmatt B   5 Nr. 641 P

HG Mützlenberg-Nesselgraben B 2 Nr. 701 P