MS Oeschenbach-K. - A

Eh starchi Schlagleistig wird dank amne Nummero vom Gägner mit 4 Rangpunkt belohnt!

D' Erwartige bim hüttige Meisterschaftsspiu gäge Oeschenbach-Kleindietwil A - eine vode Favorite vo üsere Gruppe - si hüt klar uf 2 Rangpunkt gläge. Da Oeschenbach-K. bishär konstant über 1'100 Punkt gschlage hei heimer gwüsst, dasmer hüt mitere subere Riisarbeit sicher 2 Punkt müesse hole. Und das ischnis ou glunge; Wägder Biise und liechtem Siteluft si die meiste Nousse zwüsche 15 u 18 rächts usse cho. Die Nousse wo im Riis si cho, hei ohni grösseri Problem chönne abdah wärde. Aber ou am Bock heimernis - bis ufs zwöite Riis - nid müesse verstecke! Im erschte Umgang heimer 273 u 224 Punkt gschlage, leider si im 2. Riis sehr viu Fäuhstriche gschlage worde. Oeschenbach-K. isch somit nachem erschte Umgang de ouscho um 60 Punkt i füehrig gange. Aber im zwöite Umgang heimer nomau aues gä und 2 Top-Riis vo 271 u 292 Punkt gschlage - Oeschenbach ufder angere Sitte het de "nume" no 557 Punkt gschlage, söu heisse: Mir hei im 2. Umgang 10 Punkt meh gschlage, das hättimer sicher nie erwartet gha! Oeschenbach-K. het de ufsmau, völlig unerwartet eh Nouss, wo is 12i gfloge isch, nie gseh und somit es Nummero kassiert! Darum heimer das Spiiu gäge Gruppefavorit Oeschenbach-Kleindietwil A mit 0 Nummero / 1'060 zu 1 Nummero / 1'110 Punkt chönne für üs entscheide!