MS Schafhausen i.E. - B

Rabeschwarze Tag für d' B-Mannschaft …

Z' Ziiu, hüt 4 Punkt z' hole und doch no dr' Abstieg verhindere, das isch hüt z' Ziiu gsi für d' B-Mannschaft. Aber es isch angers cho, meh aus das... Dür z' Bang düre si hüt Nummero kassiert worde, schlussändlech grad 9 Stück. Es isch würklech dr' Wurm drinne gsi im letschte Meisterschaftsspiiu daheime gäge Schafhausen i. E. B. Ou am Bock hets hüt nid wöuue, höchst Einzuschleger wird Gurtner Yännu mit grademau 53 Punkt. Da s' hüt wider keni Rangpunkt het gä, blibt d' B-Mannschaft Schlussliecht ir Gruppe 3 und stigt uf nächsts Jahr häre leider id' 5. Liga ab. Aber mit dene Nachwuchshornusser womer momentan ir B-Mannschaft ihsetzte, wird Nächstsjahr definitiv dr' Wiederufstiig ahgsträbt!

HG Unterfrittenbach-Emmenmatt B   9 Nr. / 532 Punkt

HG Schafhausen i. E. B   4 Nr. / 634 Punkt