MS Wynigen-Rumendingen - A

16.06.2019

Z' Meisterschaftsspiiu gäge Wynigen-Rumendingen heimernis sicher ganz angers vorgsteut…

Da mir dr' Afang vom Spiiu komplett verschlafe hei und bereits dr' 2. Nouss ungseh im 18ner  und de dr' 3. Strich ounograd im 12i acheglah hei, simer mitere rächt grosse Enttüschig ah Bock füre. Viu gits garnid derzue z' säge, es isch dür s' Bang düre eifach eh schlächti Leischtig gsi. Mit numegrad 445 Punkt heimer nachem erschte Umgang bereits 39 Punkt Rückstang uf üse Gägner gha. Im Riis isches ihne aber de ounid viu besser gange, ou si hei grad dr' 2. Nouss ungseh acheglah. Da Wynigen-Rumendingen im 2. Umgang de ou numeno 451 Punkt gschlage hei isch eh Reaktion vo üs gforderet gsi. Aber ou die isch usblibe, erneut sehr schlächti 230 u 232 Punkt hei schlussendlech zu 907 Punkt gfüehrt - fasch 250 Punkt weniger aus no vor eire Wuche! Da dr' Gägner im zwöite Umgang numeno ei Nouss het müesse lah ungerstriiche, verlierimer das Spiu wo dr' Siig Pflicht wär gsi mitere sehr, sehr schlächte Leischtig. Höchst Frittemätteler wärde Luca Aeberhard u Simon Hertig mit 65 Punkt.

HG Unterfrittenbach-Emmenmatt A   2 Nr. / 907  Punkt

HG Wynigen-Rumendingen   2 Nr. / 935 Punkt