MS Zuchwil - A

18.05.2019

Es louft rund für'd A-Mannschaft!

Nachemne chline Dämpfer im letschte Spiiu gäge Dürrenroth heimer im hüttige Spiu gäge Zuchwil B sicher wider ufd' Siigesspur wöuue zrugfinge. Mit 3 Spiler vor B-Mannschaft heimer das Spiu hüt bi ideale Hornusserbedingige chönne beschtritte. Im erschte Umgang heimer trotz einige Eistellig Striche solidi 529 Punkt chönne schlah. Üse Gägner het trotz 4 Ersatzspiler sehr starchi 509 Punkt gschlage! Zruglähne heimer de auso sicher nid chönne im 2. Umgang! Wasmer de ounid gmacht hei, im Gägeteuu; mir henis nomau um 15 Punkt chönne steigere u schlussändlech sehr gueti 1'073 Punkt gschlage! Zudem isch eh sehr schlächt troffnige Nouss vo Luca Aeberhard im 11 bi üsem Gägner chancelos z' Bode. Ahgspannt u sicher chli närvös simer de nomau is Riis und hei nomau aues gä & d' Nousse chönne abwehre. Churz vor Schluss hetsech de Brünu Baumgartner no zum Matchwinner uszeichnet, idäm är es Gschoss im 11i miteme routinierte Wurf het chönne abdue! 

Dank dene 0 Nummero und er sehr guete Schlagleischtig heimer hüt bereits zum Dritte mau i 4ne Spiiu chönne 4 Rangpunkt hole!

HG Unterfrittenbach-Emmenmatt A: 0 Nummero / 1'073 Punkt

HG Zuchwil B: 1 Nummero / 1'034 Punkt