Obligatorisches Training 2021

27.03.2021

Bi ahgnähmem Früehligswätter heimer hüt üses obligatorische Training (respektive es Grüppele) vor A- und B-Mannschaft düregfüehrt. Das d' Saison 2021 aktuell no uf wacklige Beii steit, hetme de ou irgendwie jedem chli ahgmerkt. Es isch hüt äue meh chli ume Plousch gange aus umnes richtigs Training zur Saisonvorbereitig. Trotzdem hets es paar gueti Einzuresultat gä - im Ries isches teilwies no chli unkonzentriert zue und här gange. Schlussändlech hei beid Mannschafte 3 Nummero kassiert, drfür isches bide Punkt eh klari Sach gsi.

Z' einzige womer momentan chöi isch druf hoffe, das Ändi April d' Meisterschaft doch no cha starte und nid wieder abgseit mues wärde. Bis denn: Blibit gsung & häbits guet.