Rangverkündigung 2023
20.10.2023
Am Fritig, 20. Oktober het d' Rangverkündigung vor 1. Liga in Gerzensee-Kirchdorf stattgfunge. Ändlech isches sowyt gsi u üse Ufstieg isch offiziell verkündet worde! Ufem 2. Schlussrang vor Gruppe 1 heimer füre Ufstieg id' Nationalliga B üser verdiente Silbermedaille dörfe entgägenä. Näbem Ufstieg vor A-Mannschaft hets de ou bide Einzuschleger öbbis z' fiire gä: Svenu Althaus erreicht nachere Sackstarche Saison mit 278 Rangpunkt u 847 Schlagpunkt dr' usgeeichnet 3. Schlussrang ir Einzuschlegerwärtig! Härzlechi Gratulation Svenu zu däm Erfolg!
Bi stimmigsvouuer Guggemusig heimer die glungnegi Rangverkündigung usgiebig gnosse u fröiie üs uf die nöii Herufsforderig: NLB 2024!