Schlusshornussen 2021

Bi schönstem Herbstwätter u ideale Hornusserbedingige heimer hüt z' Schlusshornusse im Längebach gha. Wägem blaue Himmu si de vorauem hinger ih es paar Nousse ache, ide Schlagpunkt isches sehr usgliche gsi.

Bide Einzuschleger gwinnt nach Ahsäge Nändu Aeberhard mit 1 Differenz (100 ahgseit, 101 gmacht) vor Simu Hertig (94 ahgseit, 93 gmacht) u Ädu Leuenberger (99 ahgseit, 101 gmacht).

Nachem hüttige Schlusshornusse isch d' Saison für d' HGUE offiziell verbi, nächsts Jahr geits de ume los miter Meisterschaft ir 1. Liga u 4. Liga.