Schlusshornussen 2022

Bi schönstem Herbstwätter heimer hüt z' Schlusshornusse gha. Wägem Wätter isches de ou schwirig gsi zum d' Nousse finge, entsprächend hets de ou viu Nummero gä. Bim schlah isches widerum um z' Ahsäge gange; dert heis Leuenberger Ädu u Leuenberger Heiru gnau preicht, Gurtner Yännu wird mit 1 Differenzpunkt Dritt. Bide Nachwuchshornusser gwinnt d' Isabel Hertig mit 0 Differenzpunkt. 

Somit het ä sportlech gueti Saison zumne schöne Abschluss gfunge u mir verrume d' Stäcke für äs paar Mönet im Chäuuer. Mir würde üs Fröiie, wemer dr' Eint oder Anger de a üsem grosse Hornusserlotto am 10. u 11. Dezember im Stärne Neumühli dörfe begrüesse.