Wettspiel Stalden-Dorf - B

Ei Tag nachder A-Mannschaft isches de ou für z' B ändlech losgange - bi äbefaus schönem Früehligswätter si d' B-Spiler hüt uf Stalden-Dorf gfahre. Im Ungerschid zur A-Mannschaft mitere fasch voubsetzte Truppe, nume grad ei Mah het wäge gsundheitleche Problem hüt nid chönne spile. Trotz dene 18 Mah im Riis si de leider glich grad im erschte Umgang drei Nousse z' Bode, wo sicher au hätte müesse abdah wärde, sisi doch au gnue früech gseh worde. Ou üse Gägner het im erschte Umgang müesse es Nummero la schriibe, da de im zwöite Umgang bi ihne numeno eine acheglah isch worde, heimer das Spiu leider nid chönne gwinne. Immerhin hets de im zwöite Umgang kes Nummero meh gä - das zum Teil sicher ou wägem starche Sitewind, wo de im zwöite Umgang isch ufcho und viu Nousse wit näbeuse drückt het.

Gschlage isch ou bim B nid schlächt worde, no es paar Fäuhstriche wome bis zum Meisterschaftsstart sicher no cha korrigiere. Höchst Spiler isch hüt Simu Hertig gsi mit 60 Punkt.