4 Rangpunkt für d' A-Mannschaft! Bi zuenämendem Gägeluft heimer dr' 1. Umgang nochli verschlafe u si am Bock chancenlos blibe. Dank 0 Nummero holemernis glich dr' Sieg! Die höchste 3 Frittematter si Lücu Fankhauser (68, 26 Rangpunkt), Svenu Althaus (67) u Märcu Muralt (65).
D' B-Mannschaft verliert hüt uswärts in Seeberg. Leider isch im 1. Umgang no Leuenberger Otto verletzigsbedingt usgfauue, nachem Ungerbruch si näre grad 2 Nousse ache. Die höchste 3 Frittematter si Simu Hertig (51, 26 Rangpunkt), Dänu Kohler (50) u Hausi Schenk (44).
Ou bim hüttige Spiu vor B-Mannschaft hetsech z' Wätter vor schlächte Site zeigt. Nüt desto trotz gwinnt d' B-Mannschaft dank dr' bessere Riesarbeit das 1. Meisterschaftsspiu u bhautet 2 Rangpunkt daheime! Die 3 höchste Frittematter wärde Kobi Wüthrich (48), Dänu Kohler (46) u Bruno Baumgartner (45).
Bi Wind u Räge het üsi A-Mannschaft hüt die zwöiti Meisterschaftsrundi daheime gäge Busswil BE A gspiut. Trotz zauhriche Usfäu vo A-Spiler heimer - ou dank dr super Ungerstützig vode B-Spieler - ä starchi Riesarbeit zeigt. Am Bock simer chancenlos blibe. Die höchste 3 Frittematter si Svenu Althaus (73), Ädu Leuenberger (71) u Märcu Muralt (61).
Mässige Start id Meisterschaft: Im Ries heimer ä super Leischtig zeigt, am Bock hets bi Gägeluft no z' viu Fäuhstreiche gä. Glich nämimer die 2 Rangpunkt zum Meisterschaftsstart gärn mit hei! Die drei höchste Frittematter si Leuenberger Ädu u Althaus Svenu mit 66 u Schwarz Päscu mit 64 Punkt.
Bi schönstem Herbstwätter heimer hüt z' Schlusshornusse gha. Wägem Wätter isches de ou schwirig gsi zum d' Nousse finge, entsprächend hets de ou viu Nummero gä. Bim schlah isches widerum um z' Ahsäge gange; dert heis Leuenberger Ädu u Leuenberger Heiru gnau preicht, Gurtner Yännu wird mit 1 Differenzpunkt Dritt. Bide Nachwuchshornusser gwinnt d'...
Bim Gmeindehornusse in Rüederswiu isch hüt dr' Turnus nach 7 Jahr z' Änd gange. Darum het z' Duell hüt gheisse: HG Rüderswil A (1. Rang) gäge HG Unterfrittenbach-Emmenmatt A (2. Rang). Im Riis heimer ä starchi Leischtig zeigt u hei das Spiu mit 0 Nummero chönne beände. Am Bock heimer vorauem im zwöite Umgang nahglah u si gäge Rüederswiu chancelos...
1. Rang dank 0 Nummero am Hornmatch Emme-Ilfis im Röthenbach! Bi teils starchem Gägeluft u zitewiis Räge heimer ä Top Mannschaftsleischtig zeigt u das Horn chönne mit i Längebach hole. Svenu Althaus wird trotz schwirige Bedingige mit 71 Punkt höchst Einzuschleger, Gratulation!
Bim Fründschaftsmatch ir Gohl gwinnemer hüt bi wächsuhafte Bedingige mit 2 Nummero u 1'023 Punkt. Äbefaus gwinnemer dr Turnus wo hüt nach 4 Jahr ändet. Höchst Einzuschleger vo üs wird Gurtner Yännu mit 102 Punkt. Weber Yves wird bescht Nachwuchshornusser.
D' B-Mannschaft het bim Emmentalische Hornusserfest z' Rüderswil ä super Mannschaftsleistig zeigt u platziertsech nume knapp hinger dä Priise ufem 8. Schlussrang. Bi wächsuhafte u teilwiis schwirige Sichtverhäutnis heisisäch im Ries sehr guet gschlage. Bide Einzuschleger platzieresech Lücu Fankhauser (91) u Simu Hertig (90) beid ide Top-20 u...
Am Emmentalische Hornusserfest in Rüderswil gwinnt d' A-Mannschaft dank 0 Nummero die letschti Glogge uf Rang 8. Am Bock simer klar hinger üsne Erwartige blibe, erneut heisech z' viu Fäuhstreiche ihgschliche. Bide Einzuschleger erreicht Svenu Althaus mit 113 Punkt dr' starch 6. Schlussrang! Witeri Chranzgwinner si Lücu Aeberhard (105), Ädu...