Nachder gestrige Rangverkündigung vor Meisterschaft 2023 si dr Eint oder Anger A-Spieler hüt sicher körperlech nid ir beste Verfassig gsi - nüt desto trotz heimernis ufene Luschtige, Ungerhautsame Saisonabschluss bi üs im Längebach gfröit. Wie gwohnt si die beide Mannschafte mit Jasscharte usgloset worde u z' gwünschte Resultat isch vor Spiubeginn...
Am Fritig, 20. Oktober het d' Rangverkündigung vor 1. Liga in Gerzensee-Kirchdorf stattgfunge. Ändlech isches sowyt gsi u üse Ufstieg isch offiziell verkündet worde! Ufem 2. Schlussrang vor Gruppe 1 heimer füre Ufstieg id' Nationalliga B üser verdiente Silbermedaille dörfe entgägenä. Näbem Ufstieg vor A-Mannschaft hets de ou bide Einzuschleger...
Dr' Oberemmentalisch Sechserverbands Hornmatch het hüt bi üs im Längenbach stattgfunge. Bi teilwiis schwirige Sichtverhäutnis erreichimer mit 1 Nummero, 781 Punkt dr 3. Schlussrang. Althaus Svenu erzieut mit 70 Punkt z' Dritthöchste Resultat vom Tag. Päscu Schwarz u Lücu Fankhauser wärde mit je 64 Punkt zwöit- u dritthöchst Frittematter. Nächst...
Am Gmeindshornusse 2023 erreichimer miter Mannschaft mit 0 Nummero, 860 Punkt hinger Rüderswil A dr' 2. Schlussrang. Die 3 höchste Einzuschleger wärde Svenu Althaus (71, 5. Rang), Märcu Muralt (69, 7. Rang) u Lücu Fankhauser (65, 13. Rang).
Bim Hornmatch Emme-Ilfis verwütschts üs hüt bi schönstem Herbstwätter grad 3mau unnötig im Ries. Am Bock heimer ä gueti Leistig chönne abrüefe u lande am Ändi vom Tag ufem 3. Schlussrang. Bide Einzuschleger zeigt Althaus Svenu einisch meh sini Klasse u wird mit 85 Punkt Zwöit! Leuenberger Ädu (70) u Muralt Märcu (68) wärde vode HGUE-ler Zwöit- u...
D' A-Mannschaft het am Wucheend am Interk. Hornusserfest Oschwand-Biembach ir 1. Stärkeklass ä starchi Riesleistig zeigt - am Bock simer aber dütlech hinger üsne Erwartige blibe u so si d' Priise usser Richwyti gsi. Bide Einzuschleger verpasst Svenu Althaus (114 Punkt, 41. Rang) dr Rangchranz nume grad um 1 Platz. Ädu Leuenberger (107 Punkt)...
Am Interk. Hornusserfest Oschwand-Biembach erreicht d' B-Mannschaft mit 2 Nummero 881 Punkt dr' 10. Schlussrang. Chranzgwinner si Simu Hertig (98 Punkt, 6. Schlussrang) u Björn Althaus (85 Punkt). D' Zwöituszeichnig gwinne Nändu Aeberhard u Chlöisu Althaus.
Bi widrige Bedingige het hüt d' B-Mannschaft am Emment. Hornusserfest Oschwand-Biembach gspiut. Leider hets im Ries garnid wöue loufe u mit 5 Nummero si d' Prise klar usser Richwiti gsi - am Schluss gits dr' 14. Schlussrang.
Mitere chli veränderete A-Mannschaft (3 Usfäu wegen Hochzeit) het d' A-Mannschaft z' hüürige Emmentalische Hornusserfest Oschwand-Biembach bi ideale Wätterbedingige bestritte. Bereits im Ahhornusse am morge isch viu entschiede worde; bi schwirige Sichtverhäutnis hets sehr viu Nummero gä. Mit Ihsatz u am nötige Glück simer mit 0 Nummero usem Spiu...
Näbem Ufstieg vor A-Mannschaft het üsi B-Mannschaft ihres letschte Meisterschaftsspiu gha; Uswärts in Moosseedorf het nomau ä Sieg usegluegt u das Spiu isch mit 1 Nummero zu 5 Nummero zu üsem Gunschte usgange!Die höchste 3 Frittematter si Hertig Simu (65), Althaus Björn (55) u Kohler Dänu (53).
Wär ä Blick ufd' Tabelle vor 1. Liga Gruppe 1 gworfe het wirds gmerkt ha: Für üsi A-Mannschaft isch hüt äs extrem wichtigs Spiu ufem Programm gstange: D' Frittematter lige mit 24 Punkt ufem 4. Zwüscherang - 2 Punkt hinger Wattenwil u Messen. U genau gäge d' Wattenwiler heimer z' hüttige Uswärtsspiu ustreit. Eh Sieg isch drum Pflicht gsi, weimernis...